2026-cı ildə Avropada ekstremal isti hava şəraiti səbəbindən 25 mindən çox insan dünyasını dəyişib.
Bizim.Media xəbər verir ki, bu barədə "Bloomberg" agentliyinin topladığı son rəsmi məlumatlara istinadla yazır.
Ən çox ölüm halı Almaniyada qeydə alınıb. Robert Kox İnstitutunun qiymətləndirməsinə əsasən, aprel ayından bəri anomal istilər təxminən 11,9 min əlavə ölümə səbəb ola bilərdi.
İspaniya, Fransa, Böyük Britaniya, İsveçrə və Niderlandın dövlət qurumlarının və tədqiqat təşkilatlarının məlumatları göstərir ki, regionda istiliklə bağlı ümumi ölüm sayı 25 mini ötüb.
Alimlər qeyd ediblər ki, anomal yüksək temperatur dövrləri Avropa əhalisinin, xüsusən də yaşlıların və xroniki xəstəlikləri olan insanların sağlamlığı üçün getdikcə daha ciddi təhlükəyə çevrilir.
Bizim.Media
