Polşadan Putinin Ukraynanın bölünməsi ilə bağlı sözlərinə REAKSİYA

Polşa Xarici İşlər Nazirliyi Varşavanın Ukraynaya qarşı heç bir ərazi iddiasının olmadığını bəyan edib.

Bizim.Media xəbər verir ki, bu barədə Polşa Xarici İşlər Nazirliyinin sözçüsü Maçey Vevyur açıqlama verib.

“Polşanın Ukraynaya qarşı heç vaxt ərazi iddiası olmayıb, indi də yoxdur, gələcəkdə də olmayacaq”, – deyə o bildirib və Varşavanın mövqeyinin dəyişməz qaldığını vurğulayıb.
 

Nazirlik rəsmisinin sözlərinə görə, Polşa hökuməti Ukraynanın beynəlxalq səviyyədə tanınmış sərhədləri daxilində ərazi bütövlüyünü və suverenliyini tam şəkildə tanıyır, hörmət edir və dəstəkləyir.

Polşa XİN-in bu açıqlaması Rusiya Prezidenti Vladimir Putinin Ukraynanın gec-tez qərb ərazilərini itirə biləcəyi barədə səsləndirdiyi fikirlərdən sonra verilib.

Bizim.Media