Rusiya Ukraynaya zərbələr endirdi: 4 ölü, 30 yaralı var – VİDEO

Bu gecə Rusiya qoşunları Xarkov, Dnepr, eləcə də Ukraynanın Zaporojye və Nikolayev vilayətlərinə bir sıra zərbələr endirib.

Bizim.Media xəbər verir ki, bu barədə Ukrayna Prezidenti Volodimir Zelenski teleqramda məlumat yayıb.

Məlumata görə, nəticədə 4 nəfər ölüb, 30-dan çox insan yaralanıb.

"Hazırda Rusiyanın şəhərə hücumundan sonra 11 nəfər Dnepr xəstəxanalarında müalicə olunur. Yaşayış binasına hücumun baş verdiyi yerdə xilasetmə əməliyyatları davam edir. Daha çox insan dağıntılar altında ola bilər. Ruslar demək olar ki, bütün gecə Dnepr və Ukraynanın digər şəhər və bölgələrini atəşə tutublar. Hazırda Ukraynada 30-dan çox insanın xəsarət aldığı məlum olub. Çerniqov, Odessa və Xarkov vilayətlərində həlak olanlar var” – Zelenski qeyd edib.



Bizim.Media