O’Brayn: “ABŞ Fransanın Ermənistana silah satmasından narahat deyil”

“30 ildən artıq davam edən münaqişədən sonra Ermənistanla Azərbaycan arasında sülhün bərqərar olması uzun proses olacaq, lakin sonra bu, cəmiyyətlər arasında daha dərin əlaqələrə çevriləcək”.

Bizim.Media xəbər verir ki, bu barədə jurnalistlərə açıqlamasında ABŞ Dövlət katibinin Avropa və Avrasiya məsələləri üzrə köməkçisi Ceyms O’Brayn deyib.

“Biz Fransanın Ermənistana silah satdığını mediadan öyrənmişik. Ermənistan sabit tərəfdaş olmağa çalışır. Və məncə, xüsusən də Rusiyadan asılı olmayan tərəfdaş. Çünki Rusiya yardımı çox vaxt müəyyən şərtlərlə və təsirlə verilir ki, bu da, fikrimcə, regionun inkişafına mənfi təsir göstərir”, - deyə O'Brayen qeyd edib.

Bizim.Media