Bu tarixlərdə doğulan insanların varlanmaq üçün ən böyük şansı var

Numerologiyaya inananların fikrincə, insanın doğum tarixi onun maliyyə gələcəyinə, karyerasına və xarakterinə təsir göstərə bilər. 

Bizim.Media xəbər verir ki, bu barədə “Times of India” nəşri yazır.

Qeyd edək ki, aşağıdakı məlumatlar numeroloji inanclara əsaslanır və elmi cəhətdən sübut olunmayıb.

Numeroloqlar hesab edirlər ki, müəyyən rəqəmlər "yüksək vibrasiya" ilə əlaqələndirilir və maddi uğur qazanan insanlar arasında daha tez-tez rast gəlinir. Onların fikrincə, intizam, qətiyyət, yaradıcılıq və liderlik kimi xüsusiyyətlər ayın müəyyən günlərində doğulan insanlarda daha qabarıq olur.

Ayın 1-i, 10-u, 19-u və ya 28-də doğulanlar

Numeroloqlar bu tarixlərdə doğulan insanları fitri lider hesab edirlər. Onların qərarvermə bacarığı, özünəinamı və ambisiyaları yüksək qiymətləndirilir. Həmçinin düşünülmüş risklərə meyilli olduqları üçün uğurlu sahibkar ola biləcəkləri iddia edilir.

Ayın 8-i, 17-si və ya 26-da doğulanlar

Bu tarixlər maliyyə bacarığı, intizam və əzmkarlıqla əlaqələndirilir. Numeroloqların fikrincə, belə insanlar uzunmüddətli planlaşdırma, səbir və zəhmət hesabına maddi uğur qazana bilərlər.

Ayın 3-ü, 12-si, 21-i və ya 30-da doğulanlar

Bu qrup yaradıcı düşüncə və güclü ünsiyyət bacarıqları ilə xarakterizə olunur. Numeroloqlar onların təhsil, media və şou-biznes sahələrində uğur qazanmaq potensialının yüksək olduğunu iddia edirlər.

Ayın 5-i, 14-ü və ya 23-də doğulanlar

Numeroloqların fikrincə, bu tarixlərdə doğulan insanlar çeviklik, sürətli düşünmə və imkanları vaxtında dəyərləndirmək bacarığı tələb edən satış, marketinq və turizm kimi sahələrdə daha uğurlu ola bilərlər. Onlara həmçinin maliyyə sabitliyi, məsuliyyət hissi və rəhbər vəzifələrdə uğur qazanmaq kimi xüsusiyyətlər aid edilir.

Qeyd olunur ki, bu cür qiymətləndirmələr numeroloji inanclara əsaslanır və insanın maliyyə uğuru, karyerası və ya həyat yolu barədə etibarlı elmi proqnoz hesab edilmir. (Demokrat.az) 

Bizim.Media