Əhalinin neçə faizi uşaqlar üçün sosial şəbəkə qadağasını dəstəkləyir? – SORĞU NƏTİCƏLƏRİ

Uşaqların sosial şəbəkələrdən istifadəsinin məhdudlaşdırılması ilə bağlı aparılan sorğunun nəticələri açıqlanıb.

Bizim.Media xəbər verir ki, bu barədə Medianın İnkişafı Agentliyinin təşkilatçılığı ilə İnzibati Xətalar Məcəlləsində, “İnformasiya, informasiyalaşdırma və informasiyanın mühafizəsi haqqında” və “Uşaqların zərərli informasiyadan qorunması haqqında” qanunlarda dəyişiklik edilməsi barədə qanun layihəsinin ictimai müzakirəsində məlumat verilib.
 

Belə ki, respondentlərin 87,3 faizi 16 yaşdan aşağı uşaqların sosial mediadan istifadəsinin qadağan edilməsi təklifini dəstəkləyir, 11,1 faizi bu təkliflə razılaşmır, 1,6 faizi isə bu təklifə müsbət yanaşır.

Respondentlərin cəmi 0,5 faizi onu uşaqlar üçün tamamilə faydalı hesab etdiyi halda, 56,5 faizi tamamilə zərərli, 42,2 faizi balanslı yanaşaraq, həm faydalı, həm də zərərli olaraq dəyərləndirir.

Qeyd edək ki, sözügedən sorğu Sosial Tədqiqatlar Mərkəzi tərəfindən yaşı 18 və yuxarı olan 1100 respondent arasında keçirilib.

Bizim.Media