Yevlaxda dəm qazından zəhərlənənlərin SON DURUMU

Xəbər verdiyimiz kimi, Yevlax rayonunda bir ailənin beş üzvü - ata, iki oğul və iki nəvə dəm qazından boğulub. Ailə başçısı - 1959-cu il təvəllüdlü Məhəmməd İsmayılov dünyasını dəyişib.

Yevlax Rayon Mərkəzi Xəstəxanasının mətbuat xidmətindən Bizim.Media-ya verilən məlumata görə, 22.01.2026-cı il tarixində saat 06:10 radələrində 4 nəfər şəxs (3-ü kişi və 1-i qadın) Yevlax Rayon Mərkəzi Xəstəxanasının Təcili tibbi yardım şöbəsinə hospitalizasiya olunub.

Onlara dəm qazından zəhərlənmə diaqnozu təyin edilib.

Pasiyentlərdən 2005-ci il və 1987-ci il təvəllüdlü şəxsləri vəziyyətləri qənaətbəxş qiymətləndirilib və ambulator müalicə üçün evə buraxılıblar. 1982-ci il və 2007-ci il təvəllüdlü şəxslər isə Reanimasiya şöbəsinə yerləşdirilib. Hazırda vəziyyətləri ağır olaraq qiymətləndirilir.

Onu da qeyd edək ki, hadisə rayonun Hacı Zeynalabdin Tağıyev küçəsində baş verib.

Yaxınlarının verdiyi məlumata görə ailə həmin evi təzə alıb və dünən köçüb.

Leyla Vəfadar, Bizim.Media, Mərkəzi Aran bürosu