Kürdlər Ərdoğandan narazı qalıb

Türkiyənin baş naziri Ərdoğanın elan elədiyi Demokratikləşmə Paketi və kürdlərin ana dilində tədrisinə yaşıl işıq yandırması qardaş ölkədə olduğu kimi Azərbaycanda da diqqətlə izlənməkdədir. Ancaq maraqlıdır ki, Türkiyədə yaşayan kürdlər artıq Ərdoğanın səmimiyyətinə inanmırlar və ondan daha ciddi qərarların qəbulunu gözləyirlər. Türkiyədən və İraqdan yenicə səfərdən qayıtmış “Diplomat” qəzetinin kürd əsilli baş redaktoru Tahir Süleyman da soydaşlarının Demokratikləşmə  Paketindən o qədər də çox şey gözləmədiyini bildirib: “Ötənlərdə bir neçə dəfə belə cəhdlər olub və yalnız kağız üzərində qalıb. “Kürd Açılımı” məsələsində də Ərdoğan hökuməti verdiyi vədinə sonadək sadiq qalmadı və bu prosesin də uğursuzluğa düçar olacağı ehtimalı böyükdür. Türkiyədə yaşayan kürdlər belə hesab edir ki, əgər Türkiyə hökuməti bu münaqişəni köklü və birdəflik həll etmək istəyirsə İraqda kürdlərə verilən özünüidarəetmədən nümunə götürsün. Yoxsa bu cür cəhdlərin gözlənilən nəticəni verəcəyinə kürdlər o qədər də olumlu yanaşmırlar.” 

Moderator.az