Gedək yurdun o başına
Yurdun bu başında kef çəkən oğlan,
Yazıqsan, daş düşməsin sənin başına.
Qorxmursansa, təpərin varsa, gedək,
Çöllərini xəzan vurmuş,
Heyrətdən lal olub durmuş
Yurdun o başına.
O başında gözü yol çəkənin var,
Qəbirləri sahibsiz qalan
Baban, atan, səni əkənin var.
Əkmədilər ki, yurdu sahibsiz qoyub,
Aradan əkiləsən,
Kölgə salmayan dirrək kimi,
Şəhərin ortasında dim-dik dikələsən
Gedək yurdun o başına,
O başında kökü kəsilən “Xarı bülbül”x9d var,
Bülbülü cəh-cəh vurub, daha oxumayan.
Orada barmaqları xınalı qız gəlinlər var,
Qarabağ xalçasını daha toxumayan.
Qərib səslər,
Yadlaşan doğma nəfəslər
Səsləmirmi səni,
Oyatmırmı haraylar, hayqırtılar səni.
Gəl gedək adamsız,
Doğma it-pişiksiz qalan yurdun o başına.
Dilsiz, ağızsız, cansız, bədənsiz,
Nalə çəkən ruhlar,
Deməsin, külü qoyum sənin kişi başına.
4 iyun 2016
