Türkiyənin Azərbaycandakı səfiri Cahit Bağçı İrəvanda keçirilən ağır atletika üzrə Avropa çempionatının açılış mərasimində Azərbaycan bayrağının yandırılmasını qınayıb.
Diplomat bu barədə özünün “Twitter” hesabında paylaşım edib.
“Son günlər Ermənistan tərəfindən sərgilənən davranışlar - dumanlı havada yolunu azaraq sərhədi keçən Azərbaycan əsgərinə insanlığa sığmayan işgəncələr və beynəlxalq idman yarışının açılışında Azərbaycan bayrağına edilən hücum əsla qəbul edilə bilməz. Qınayırıq”, - deyə səfir vurğulayıb.
