Ermənistanın baş prokuroru müharibədə ölən hərbçilərin yaxınlarını qəbul etmədi

Ermənistanın baş prokuroru Artur Davtyan 44 günlük müharibədə ölən erməni hərbçilərin yaxınlarını qəbul etməkdən imtina edib və “hələ xəbər yoxdur” mesajını verib. 

Bizim.Media erməni KİV-nə istinadən xəbər verir ki, o, imtinasını “işin ötürülməsi ilə bağlı müzakirələrin getməsi” ilə əsaslandırıb.

Xəbər verdiyimiz kimi, 44 günlük müharibədə ölən hərbçilərin yaxınları Ermənistan Prokurorluğu qarşısında etiraz aksiyası keçirirlər.

Onlar hazırda İstintaq Komitəsində baxılan 308-ci (vəzifə səlahiyyətlərindən sui-istifadə və ağır nəticələrə səbəb olan) maddə ilə açılan cinayət işinin Milli Təhlükəsizlik Xidmətinə verilməsini tələb edirlər.
Qohumlar bu tələbi iyunun 30-da keçirilən iclasda baş prokuror Artur Davtyana təqdim ediblər. Onlar həmçinin işin 299-cu maddəyə dəyişdirilməsini, Nikol Paşinyanın dindirilməsini və təqsirləndirilən şəxs qismində cəlb olunmasını tələb edirlər.

Bizim.Media