“Tavuşda ərazilərin güzəştə gedildiyi barədə ittihamlar qəbuledilməz və məntiqsizdir” - Paşinyan

“Tavuşda ərazilərin güzəştə gedildiyi barədə ittihamlar qəbuledilməz və məntiqsizdir, çünki mövcud dövlət sərhədi de-yure bərpa olunur. Bunu uğur hesab edərdim, çünki Ermənistan tarixində ilk dəfə danışıqlar yolu ilə sərhədi formalaşdırır, suverenliyin, dövlətçiliyin və gələcək inkişafın əsasını qoyur”.

Bizim.Media xəbər verir ki, bu barədə Ermənistanın baş naziri Nikol Paşinyan parlamentdə hökumət saatı zamanı bildirib.

Paşinyan qeyd edib ki, hökumətin hazırkı qərarları hüquqi cəhətdən, o cümlədən dövlət qurumları tərəfindən əsaslandırılıb:

“1991-ci ildə Ermənistan və Azərbaycan SSR arasında de-yure sərhədlər mövcud idi. Biz de-yure bu sərhədin bütün əsaslarını qaldırdıq, yoxladıq və sərhədin torpaq üzərindəki yerini müəyyən etdik”.

Bizim.Media