Restoranında dava düşən Aqşin canlı efirə sınıq barmaqla gəldi – VİDEO

“Barmağım yerindən çıxıb, su yığılmışdı. İstəyirdim gecə gedim sınıqçıya, amma ağrı dözülməz olduğu üçün indi getməli oldum. Sınıqçı əlimi düzəltmək üçün bir saat çalışdı”. 

Bizim.Media xəbər verir ki, bu sözləri meyxanaçı Aqşin Fateh qonaq olduğu “Həmin Zaur” axşam şousunda deyib. 

Əli sarğılı halda canlı efirə gələn sənətçi açdığı restoranında başına gələn xoşagəlməz hadisəni belə nəql edib. 

“Restoranımda qonaqlar arasında ara qızışdı. Onlarla dava etməmişəm. Sadəcə dalaşanları ayıranda əlim bərk əzilib. Dostlarım idi, aralarında dava düşdü”. 

Verilişin aparıcısı Zaur Kamalın “Kimisə vurmusan deyə əlin zədə alıb?” sualına Aqşin “Heç kimi vurmamışam. Qonağı vurmaq olar? Sadəcə dalaşanları ayırmaq istəyəndə əlim dostlarımdan birinin boğaz nahiyyəsinə dəyib” deyə cavab verib.

Şounun gedişatında əlinin ağrısının kəskinləşdiyinə görə A.Fateh Z.Kamala səslənərək, efiri tərk etmək istədiyini bildirib.  
“Səhər gedib əlimi rentgenə salacağam” deyərək proqramdan ayrılıb. 

Rəşad Əliyev, Bizim.Media