Salyan rayonunda 26 yaşlı gəncin ölümü ilə nəticələnən faciəvi hadisə baş verib.
Rayonun Noxudlu kənd sakini Asif Səməd oğlu Babayevi elektrik cərəyanı vurub.
Məlumata görə, Asif Babayev dünən axşam biçənəkdən topladığı ot preslərini yük avtomobilinin banına yığaraq üzərində əyləşibmiş. Maşın yüksək gərginli elektrik xəttin altından keçərkən naqillərdən biri avtomobilin banında oturmuş A.Babayevə toxunub. O, cərəyanın təsirindən dərhal ölüb.
Faktla bağlı cinayət işi açılıb. Salyan Rayon Polis Şöbəsi və rayon prokurorluğu tərəfindən araşdırma aparılır.
