Putinin köməkçisi: “İndi Rusiyanın varlığı təhlükə altındadır”

Rusiya prezidentinin köməkçisi və Ukrayna ilə danışıqlarda Rusiya nümayəndə heyətinin rəhbəri Vladimir Medinski deyib ki, indi rus sivilizasiyası kimi Rusiyanın özü də təhlükə altındadır.

Bizim.Media “Amerikanın Səsi” nəşrinə istinadən yazır ki, bu fikri keçmiş mədəniyyət naziri, tarix üzrə bir sıra kitabların müəllifi Medinski Moskvada Tarixin maarifləndirilməsi üzrə İdarələrarası Komissiyanın iclasında bildirib.
 

MÖVZU İLƏ BAĞLI:

Rusiya qazı Avropaya rublla satılacaq - Putindən AÇIQLAMA - VİDEO

Medinskinin fikrincə, Qərb kollektiv şəkildə Rusiyanı siyasi system kimi məhvə doğru sövq edir. 

Onun sözlərinə görə, vəziyyəti 1917-ci ilin fevralında monarxiyanın devrildiyi  və 1989-cu ildə SSRİ-nin dağılması ilə müqayisə etmək olar.

“Amerikanın Səsi” qeyd edir ki, Medinskinin "Rusiyanın mövcudluğu" təhlükəsilə bağlı ifadəsi ondan xəbər verir ki, Rusiya hərbi doktrinasında yazıldığı kimi Kreml ona qarşı təcavüz olarsa, nüvə silahından ilk istifadə edən ölkə olacaq.

Bizim.Media