ABŞ vətəndaşlarına xəbərdarlıq etdi: "Belarusu dərhal tərk edin"

Dövlət Departamenti ABŞ vətəndaşlarını Belarusu dərhal tərk etməyə çağırıb.

Bizim.Media TASS-a istinadən xəbər verir ki, ABŞ-ın Belarusdakı səfirliyi "Twitter" hesabında bununla bağlı paylaşım edib:

"Dövlət Departamenti ABŞ vətəndaşlarına Belarusa səfər etməməyi tövsiyə edir və dərhal bu ölkəni tərk etməyə çağırır. Minsk hava limanı vasitəsilə müəyyən beynəlxalq istiqamətlərdə ölkəni tərk etmək olar. Litva, Latviya və Polşa ilə quru sərhədləri açıqdır və adi rejimdə işləyir", - deyə paylaşımda bildirilib.

Qeyd edək ki, bu, Rusiyanın Ukraynaya hücumu səbəbindən regionda gərginliyin artması, vəziyyətin gözlənilməzliyi, hava limanları və quru sərhəd keçid məntəqələrinin fəaliyyətinin əvvəlcədən xəbərdarlıq edilmədən bağlanmaq ehtimalı ilə əlaqələndirilib.

Bizim.Media