Yaponiyada maraqlı TƏCRÜBƏ: insan işçilər keçilərlə əvəz edildi

Yaponiyanın Yokkaiti şəhərinin hakimiyyət orqanları otbiçən işçiləri doqquz keçi ilə əvəzləyərək qurumun büdcəsinə təxminən 2 min dollar qənaət ediblər.

Bizim.Media xəbər verir ki, bu barədə "Mainichi Japan" nəşri məlumat yayıb.

Xərclər 800 min iyendən (təxminən 5 min dollar) 500 min iyenə (təxminən 3,1 min dollar) qədər azalıb. Üstəlik, bu hələ minimum göstəricidir, çünki biçilmiş otun daşınması üçün ödəniş etmək ehtiyacı da ortadan qalxıb.
 

Heyvanlar iyunun 8-də təxminən 4,7 kvadratkilometr sahəsi olan ərazidə sərbəst otlamaq üçün buraxılıblar. Ehtimal olunur ki, onlar buradakı otları yeyərək göllərin ot basmasının qarşısını alacaqlar. Çünki sıx bitki örtüyü səbəbindən həmin göllər suyu saxlamaq və axıtmaq qabiliyyətini itirə bilər.

Ərazini keçilərlə təmin edən "Meymey" fermasının nümayəndəsi Syuci Uehira bildirib ki, bir keçi gündə iki ədəd 90 litrlik səbət həcmində ot yeyir. Onun sözlərinə görə, keçilər bu cür yaşıllıq ilə qidalandıqda onların peyini xoşagəlməz qoxu vermir.

Yokkaiti meriyasından bəyan ediblər ki, əgər bu eksperiment uğurlu sayılarsa, keçilər şəhərin digər rayonlarında da otbiçən maşınlarla işləyən mövsümi muzdlu işçiləri əvəz edəcəklər.

Bizim.Media