“Green card” qaydaları dəyişdirildi

ABŞ-ın İmmiqrasiya Xidməti əcnəbilər üçün viza və “qrin kart” (Green card-ing) verilişi qaydalarını dəyişib. Artıq ABŞ ərazisində ola-ola “qrin kart” üçün müraciət etmək mümkün olmayacaq, belə ki, bunun üçün ərizəçi öz vətəndaşı olduğu ölkəyə qayıdaraq oradan ABŞ-ın diplomatik missiyasına müraciət etməli olacaq.

Bizim.Media xəbər verir ki, bu barədə ABŞ-ın Vətəndaşlıq və İmmiqrasiya Xidməti (USCIS) məlumat yayıb.

Bildirilib ki, əcnəbilər öz ölkələrindən müraciət etdikdə, yaşayış icazəsi üçün ərizələrinə rədd cavabı gəldikdən sonra ABŞ-da qanunsuz qalmağa çalışan şəxslərin axtarılması və deportasiya edilməsinə ehtiyac azalır.

Qurumdan bildirilib ki, qeyri-immiqrasiya vizalarının sahibləri — məsələn, tələbələr, müvəqqəti işçilər və ya turistlər - ABŞ-a qısa müddət və müəyyən məqsədlə gəlirlər.

Onlar səfərləri başa çatdıqdan sonra ölkəni tərk etməlidirlər. Lakin bir çox hallarda onlar ABŞ-a gəldikdən sonra immiqrasiya prosesinə başlayırlar. Yeni qaydanın tətbiqi bunun qarşısını almağa yönəlib.

Bizim.Media