DÇ-2026 oyunlarının başlama saatları açıqlandı

FIFA qarşıdan gələn dünya çempionatının cədvəlini dərc edib.

Bizim.Media FIFA-nın saytına istinadən xəbər verir ki, Meksika ilə Cənubi Afrika Respublikası milliləri arasında açılış oyunu iyunun 11-də Bakı vaxtı ilə saat 23:00-da başlayacaq.
 

Növbəti oyun Cənubi Koreya yığması ilə UEFA pley-off qaliblərindən biri arasında saat 08:00-da olacaq. İyunun 12-də Kanada yığması UEFA pley-off qalibi ilə Bakı vaxtı ilə saat 23:00-da, ABŞ ilə Paraqvay milləri arasında oyun isə saat 05:00-da başlayacaq.

Növbəti oyun günlərində iyunun 23-ə qədər hər gün dörd oyun keçiriləcək. Başlama vaxtları Bakı vaxtı ilə saat 20:00-dan (ən erkən) saat 08:00-a (ən son) qədər dəyişəcək. Qrupun yekun turunda gündə altı oyun keçiriləcək, başlama vaxtı saat 23:00-00:00-dan 06:00-07:00-dəkdir.

1/16 final oyunları Bakı vaxtı ilə saat 20:00-dan 07:00-dək, 1/8 final matçlarının oyunları isə saat 20:00-dan 04:00-dək başlayacaq.

Dörddəbir final oyunları müxtəlif vaxtlarda başlayacaq: 9 iyul saat 00:00; 10 iyul saat 23:00; 13 iyul 01:00 və 05:00.
 

Yarımfinal oyunları iyulun 14-15-də, hər ikisi Bakı vaxtı ilə saat 23:00-da keçiriləcək. Üçüncü yer uğrunda oyun 20 iyul tarixində saat 01:00-da, final isə saat 23:00-da başlayacaq.

Qeyd edək ki, turnir gələn yay 11 iyun - 19 iyul tarixlərində ABŞ, Meksika və Kanadada keçiriləcək.

Bizim.Media