Pezeşkian Xankəndi sammitinin əhəmiyyətindən danışdı

Azərbaycan İqtisadi Əməkdaşlıq Təşkilatına (İƏT) üzv olan dövlətlər arasında qarşılıqlı əlaqələrin dərinləşdirilməsində mühüm rol oynayan ölkədir.

Bizim.Media xəbər verir ki, İran prezidenti Məsud Pezeşkian bu barədə Təbrizdə keçirilən İƏT Daxili İşlər Nazirlərinin 4-cü toplantısında danışıb.

Prezident qeyd edib ki, 3-4 iyul tarixlərində Xankəndidə keçirilən son İƏT sammiti region ölkələrinin tərəfdaşlığı gücləndirməyə, dayanıqlı inkişaf və təhlükəsizliyi təmin etmək üçün birlikdə işləməyə artan qərarlılığının parlaq nümunəsidir

O, sərhəd idarəçiliyi, qeyri-qanuni miqrasiya, insan alveri, narkotik, terrorizm və təşkilatlanmış cinayətkarlığa qarşı mübarizə kimi sahələrdə birgə səylərin əhəmiyyətini vurğulayıb.

Pezeşkian, həmçinin İƏT ölkələrinin məhkəmə orqanları arasında əməkdaşlığın vacibliyini bildirib: “Region xarici müdaxilələr və təhdidlərlə üzləşir”.

Xatırladaq ki, Xankəndi sammitində Türkiyə, Özbəkistan, Qırğızıstan, Tacikstan, İran, Şimali Kipr prezidentləri, Pakistan və Qazaxıstanın baş nazirləri və digər üzv ölkələrin yüksək səviyyəli rəsmi şəxsləri iştirak ediblər.

Bizim.Media