Konfrans Liqasında çıxış edəcək "Araz-Naxçıvan" Türkiyədəki təlim-məşq toplanışı çərçivəsində növbəti yoxlama oyununu keçirib.
Bizim.Media xəbər verir ki, təmsilçimiz "Konyaspor"la qarşılaşıb.
Ərzurumda baş tutan matç rəqibin 2:1 hesablı qələbəsi ilə başa çatıb. "Qırmızı-ağlar"ın heyətində Ramon Maçado fərqlənib. Naxçıvan klubu növbəti oyununu iyulun 17-də "Trabzonspor"a qarşı keçirəcək.
Qeyd edək ki, "Araz-Naxçıvan Konfrans Liqasının II mərhələsində "Aris"lə qarşılaşacaq.
Rəşad Rafiqoğlu, Bizim.Media
