Knesset bugünkü iclasını bunkerdə keçirəcək

İsrail parlamenti – Knesset İranın mümkün raket hücumları ilə bağlı təhlükəsizlik narahatlıqları səbəbindən bugünkü iclasını fövqəladə qaydada yeraltı sığınacaq zalında keçirəcək.

Bizim.Media xəbər verir ki, bu barədə informasiyanı İsrail mediası Knesset rəhbərliyinə istinadən yayıb.

Məlumata görə, qərar ölkədə artan təhlükə fonunda qəbul olunub və iclas iştirakçılarının təhlükəsizliyinin təmin edilməsi məqsədi daşıyır.

İsrail rəsmiləri parlamentin fəaliyyətində fasilə olmadığını, lakin müvəqqəti olaraq fövqəladə rejimə keçid etdiyini bildiriblər. Təhlükəsizlik orqanları Knessetin yerləşdiyi ərazi ətrafında nəzarəti gücləndirib.

Ekspertlər bu addımı ölkədə təhlükə səviyyəsinin nə qədər ciddi olduğunu göstərən siqnal kimi qiymətləndirirlər.

Bizim.Media