Gülay atası ilə bağlı etirafdan sonra efirdə kövrəldi - VİDEO

Müğənni Gülay Zeynallı qatıldığı verilişdə təsirli anlar yaşayıb.

Bizim.Media xəbər verir ki, o, qonaq olduğu "İncə səhər" verilişində mərhum atasından danışıb.

Gülay valideyninin ona bu sənətə gəlməsinə razı olmadığını qeyd edib. Lakin daha sonra atasının onunla fəxr etdiyini öyrənib. İfaçı bu barədə danışarkən göz yaşlarını saxlaya bilməyib:

"Ailəmizdə anam və babam həmişə mənə dəstək olublar. Sadəcə atam heç vaxt mənim bu sənətdə olmağımı istəməyib. Hansısa bir pilləyə gəlib çatanda atama dedim ki "Hamı mənim ifamı sevir. Sən niyə mənim sənətimi qəbul etmirsən?

Deyirdi ki, mən istəmirəm! Qız uşağı nədir, oxumaq nədir!" Atam rəhmətə getdikdən sonra qardaşımın bir müsahibəsinə baxdım. Gəldim evə anama dedim ki "Atam məni bu sənətə qoymurdu, amma o mənimlə fəxr edirmiş".baku.ws


Bizim.Media