Həmin mesajlar Uoltsun istefasına səbəb OLA BİLƏR

ABŞ Prezidentinin milli təhlükəsizlik üzrə müşaviri Mayk Uoltsun gələcəyi ilə bağlı Ağ Evdə aktiv müzakirələr gedir.

Bizim.Media xəbər verir ki, bu barədə "Politico" qəzeti mənbələrə istinadən məlumat yayıb.

Buna səbəb ABŞ-nin Yəmənə qarşı hərbi əməliyyatları ilə bağlı məxfi məlumatın əldə edilməsi barədə xəbərlərin yayılmasıdır.
 

MÖVZU İLƏ BAĞLI:

Jurnalist səhvən hökumətin mesaj qrupuna salındı - Məxfi məlumatları gördü – FOTO

Qeyd olunub ki, M.Uoltsun istefası da istisna edilmir.

Ağ Evdəki rəsmilər bildiriblər ki, Prezident Donald Tramp yaxın günlərdə son qərarı verəcək.

Bununla yanaşı, Ağ Evdəki bəzi yüksək rütbəli köməkçilər hesab edirlər ki, M.Uolts Prezidenti "çətin vəziyyət”ə salmamaq üçün istefa verməlidir.

Administrasiyaya yaxın olan başqa bir şəxs isə öz növbəsində deyib: "Ağ Evdə hamı bir məsələdə həmfikirdir. Mayk Uolts tam bir səfehdir".

Xatırladaq ki, "The Atlantic" jurnalının baş redaktoru Cefri Qoldberq ABŞ Prezidenti Donald Trampın milli təhlükəsizlik üzrə müşaviri Mayk Uolts tərəfindən Yəməndə husilərə qarşı çox məxfi hərbi əməliyyatları müzakirə etmək üçün yaradılan çata əlavə edilib.

Bizim.Media