Rusiyanın Suriyadakı hərbi bazaları yüksək hazırlıq vəziyyətinə gətirildi - Rəsmi Moskva

Suriyada baş verən dramatik hadisələri hədsiz narahatlıqla izləyirik.

Bizim.Media xəbər verir ki, bu fikir Rusiya Xarici İşlər Nazirliyinin yaydığı bəyanatda yer alıb. 
 

Mənbə qeyd edir ki, Bəşər Əsəd Suriya Ərəb Respublikası ərazisində silahlı münaqişənin bir sıra iştirakçıları ilə apardığı danışıqlar nəticəsində prezident postunu tərk etmək qərarına gəlib və hakimiyyətin dinc yolla ötürülməsi barədə göstəriş verərək ölkəni tərk edib:

“Rusiya bu danışıqlarda iştirak etməyib. Eyni zamanda, biz bütün tərəfləri zorakılıqdan əl çəkməyə və bütün idarəetmə məsələlərini siyasi vasitələrlə həll etməyə çağırırıq. Bununla bağlı Rusiya Federasiyası Suriya müxalifətinin bütün qrupları ilə əlaqə saxlayır. Biz Suriya cəmiyyətindəki bütün etno-konfessional qüvvələrin fikirlərinə hörmət etməyə çağırırıq və BMT Təhlükəsizlik Şurasının yekdilliklə qəbul etdiyi 2254 saylı qətnamə əsasında inklüziv siyasi prosesin qurulması səylərini dəstəkləyirik.

Ümid edirik ki, bu yanaşmalar BMT və bütün maraqlı oyunçular tərəfindən, o cümlədən BMT Baş Katibinin Suriya üzrə xüsusi nümayəndəsi Helman Pedersenin təcili suriyalılararası hərbi əməliyyatların təşkili təşəbbüsünün həyata keçirilməsi kontekstində nəzərə alınacaqdır. 

Eyni zamanda Suriyadakı vətəndaşlarımızın təhlükəsizliyini təmin etmək üçün bütün lazımi tədbirlər görülür.

Rusiyanın Suriyadakı hərbi bazaları yüksək hazırlıq vəziyyətinə gətirilib. Hazırda onların təhlükəsizliyinə ciddi təhlükə yoxdur”.

Bizim.Media