Zatulin Paşinyanı "yalançı" və "əclaf" adlandırdı

Erməni lobbiçisi, rusiyalı deputat Konstantin Zatulin baş nazir Nikol Paşinyanın atdığı addımlardan məyus olub və onu “yalançı” və “əclaf” adlandırıb.

Bizim.Media xəbər verir ki, bu barədə o, rus mətbuatına danışıb.

Onun sözlərinə görə, Paşinyan Qarabağda Azərbaycanla müharibədə məğlubiyyətə görə bütün məsuliyyəti Rusiyanın üzərinə atmağa çalışır.

“Mənim mövqeyim çoxdan bəllidir. Paşinyan yalançı və əclafdır, erməni xalqının qəzəbini Rusiyaya yönəltməyə çalışır. O, sələflərinin və bütün erməni xalqının uzun illər mübarizə apardığı (Söhbət Azərbaycan torpağının işğalından gedir - red.) hər şeyi uğursuzluğa düçar edib”, - Zatulin bildirib.
Parlamentari Paşinyanın Kollektiv Təhlükəsizlik Müqaviləsi Təşkilatının hansı iki ölkəsindən danışdığını da açıqlayıb.

“Hesab edə bilərsiniz ki, bu, Rusiya və Belarusdur. Bunu başa düşmək çətin deyil”, - Zatulin yekunlaşdırıb.

Bizim.Media