İrəvanda Paşinyanı belə təhqir etdilər - ANBAAN VİDEO

Xəbər verdiyimiz kimi, İrəvan şəhərində Ermənistan Nazirlər Kabinetinin binası yaxınlığında etiraz aksiyası keçirilir. Əraziyə toplaşanlar, o cümlədən müharibədə həlak olan hərbçilərin valideynləri, müxalifətin ictimai xadimləri iqtidarın Qarabağ məsələsində siyasətindən, Bakı və Ankara ilə münasibətlərin normallaşmasından narazılıqlarını bildirirlər.

Bizim.Media "Sputnik Armenia" nəşrinə istinadən xəbər verir ki, aksiyada etirazçılar Ermənistanın baş naziri Nikol Paşinyanın fotosunun üzərinə kəsilmiş donuz başı atıblar. 

Xatırladaq ki, vətəndaşlar, həmçinin hökumət rəsmilərinin, xüsusən də baş nazir və onun həyat yoldaşının fotoşəkillərinin üzərinə qırmızı boya tökərək onlara “ermənisayağı Nürnberq” (söhbət Nürnberq məhkəməsindən gedir) vəd ediblər.