Erməni mediasının verdiyi məlumata əsasən, 20 illik susqunluğunu pozan Hümbətov Şuşadan talışlar üçün radionun yayımlanmasını müsbət addım kimi dəyərləndirib. Öz separatçı çıxışına sadiq qalan Hümbətov radionun yaradıcısı olan ermənilərə talış xalqını düşündüklərinə görə təşəkkür etməyi də yaddan çıxarmayıb.
1993-cü ildə TMRin elan edildiyi günlərdən söz açan Ə.Hümbətov, özünü qondarma respublikanın legitim prezidenti adlandırıb və sağ olduğu müddətdə belə qalacağını iddia edib. Müsahibə zamanı özünü Talışıstanın lideri kimi qələmə verən Ə.Hümbətov talışları birləşməyə çağırıb.
Qeyd edək ki, müsahibə İran Dövlət Teleradiosunun Rəştdən yayımlanan talış xidmətində də efirə verilib. Ermənilər isə bunu guya etirazla qarşılayaraq, İran tərəfini Şuşada yayımlanan Talışıstanın səsi radiosundan bunun üçün müvafiq icazənin alınmamasında ittiham ediblər.
