34 saylı Xətai II seçki dairəsindən deputatlığa namizəd
Elçin Qurbanov vergi məcəlləsinə əlavələr haqqında bir yazı qələmə alıb. Yazıda nəzərdə
tutulan islahatlar analiz olunur və bəzi təkliflər irəli sürülür.
İctimaiyyət və əlaqədar qurumlar üçün faydalı olacağını nəzərə alıb yazını
təqdim edirik:
"Vergi
məclləsinə əlavə dəyişikliyin
sahibkarlıq fəaliyyətinin və sosial
rifahın yaxşılaşdırılması kimi
qiymətləndirilməsi mümkündür. Bildiyimə görə, yeni layihədə
muzdlu işlə əlaqədar ödəmə
mənbəyindən tutulan vergi məbləği əməkhaqqının 250 manata
qədər olan hissəsinə
münasibətdə 140 manat azaldılır. Yəni 140 manat vergidən
azad edilən hissə kimi
götürülür. Bir qədər
əvvəl isə bu
məbləğ ölkə üzrə yaşayış
minimumu qədər , yəni 136 manat
təşkil edirdi.
Ən çox diqqəti cəlb edən yenilik isə sahibkarların iki il müddətində yoxlamalardan tamamilə azad edilməsi məsələsi
oldu. Mənimlə vergi
orqanlarının bir neçə əməkdaşları
bu barədə fikir mübadiləsi
aparsalar da, onlar belə bir
qərarın gerçəkləşməsinə şübhə
ilə yanaşdıqlarını ifadə
etdilər. Elə anlaşılır
ki, yoxlama qəraralarının dayandırılması büdcəyə vergi daxilolmalarının əhəmiyyətli
dərəcədə azalmasına şərait
yaradacaq.
Əslində
isə belə yanaşma
düz deyil. Vergilərin
ödənilməsi yoxlamalardan asılı olmamalıdır. Bir sistem mükəmməl bir sistem
kimi tənzimləndiyi halda yoxlamalara heç bir
ehtiyac qalmır. Ona görə də xüsusən vergi
yoxlamalarının məhdudlaşdırılması vergi ödənişlərinin yayındırılması kimi
qiymətləndirilməməlidir. Artıq
vergi orqanları iə
partnyorluq sazişi bağlamış vergi
ödəyiciləri stabil vergi
ödənişlərini həyata keçirirlər.
Aramsız yoxlamalar isə sahbkarlıq subyektinə
yersiz müdaxilələrin intensivləşməsi üçün münbit
şərait yaradır. Ona
görə də yoxlamaların qanunçuluğa
deyil, əksinə qanunsuzluğa daha
çox şərait yaratması
da qaçılmaz olur.
O ki, qaldı cərimə və maliyyə sanksiyalarının miqdarının artırılmasına bu məsələ bir qədər zidiyyətlidir. Məncə yeni təklif edilmiş cərimələrin miqdarı iqtisadi mühitə uyğun deyil. Çünki cərimələrlə yaradılan mənbə ödəmə qabiliyyətinə uyğun müəyyən edilməlidir. Bu da normaların tarazlığını pozmamalıdır. Əks təqdirdə real müflisləşmə riskləri problem kimi meydana çıxacaq. Nəticədə rüşvətin daha sərt formasının inkişafı üçün münbit şərait yarada bilər. Rüşvətin məzənnəsinin artması ölkə daxilində inflyasiyanın da sürətlənməsinə səbəb olur. Ona görə də inzibati hüquqla tənzimlənən ictimai münasibətlərin xarakterinə , xüsusiyyətlərinə və təyinatına yalnız milli psixologiyaya əsaslanaraq yanaşma mükəmməl nəticələr verə bilər.
Mən platformamda qanun yaradıcılığı
sahəsində bu məsələnin nəzərə
alınmasının vacibliyini xüsusi
vurğulamışam. Qanunların sərtləşdirilməsi qanunçuluğa deyil, əksinə zidiyyət
və qanunların prinsipial şəkildə
pozulmasını şərtləndirir. Eyni
zamanda etik mühitin tənəzzülünə və
cəmiyyətin mənəvi cəhətdən deqrodasiyasına şərait
yaradır".
Əməkdaşımızla söhbətində Təşviqat kompaniyasını
uğurla davam etdirdiyini deyən deputatlığa namizəd E. Qurbanovun verdiyi məlumata görə, seçicilərin sosial problemlərini
araşdırmaq işini yenə də davam etdirib. Deputatın vəzifə
və səlahiyyətlərini
seçicilərə izah etməklə yanaşı
qeyd edib ki, Əhalinin
problemlərini ona görə işıqlandırır
ki, əlaqədar təşkilatlar
əməli tədbirlər görsünlər.
Ayın 18-də qeydə alınan problemlər
bunlardır:
Şıxlinski küçəsi ev 36, 38-də: zirzəmi su ilə doludur.
Vunq Tau 11a, 11 b: zirzəmini su basıb, su
yoxdur, istilik yoxdur, kanalizasiya sularının zorzəmilərə dolması nəticəsində
ərazinin sürüşümə təhlükəsi var. bina 1- həyətində isə su gəlmir.
General Şıxlinski küçəsi,1A, 1B, 30, 32
saylı evlərin sakinləri zirzəmilərinin suyla dolmasından və MİS-in yarıtmaz
fəaliyyətindən narazıdırlar.
N.
Tusi 9, 11, 19,23 31: Burada da zirzəmilər su ilə doludur. Neapol 24.A istilik
Çox sakinlər uşaq meydançalarının olmaması və qanunsuz tikililərin həmin
əraziləri zəbt etməsindən şikayətlidirlər.
General Mehmandarov: 52 , 54 saylı
binaların həyətlərində su yoxdur buna görə yaşıllıqların məhv olması təhlükəsi
mövcuddur , 48 ”“ də zirzəmidə isə ,50
saylı evdə kanalizasiya lyuku yoxdur və zirzəmini su basır. və.s
Elçin Qurbanovun seçki platformasını bu videoda izləyə bilərsiniz:
