Rusiya 200 min əcnəbinin ölkəyə girişini məhdudlaşdırdı

Rusiya hakimiyyəti qanunları pozduğuna görə təxminən 200 min əcnəbinin ölkəyə girişini məhdudlaşdırıb.

Bizim.Media xəbər verir ki, bu barədə Rusiya daxili işlər nazirinin birinci müavini — Xarici vətəndaşlıq və qeydiyyat məsələləri xidmətinin rəisi Andrey Kikot Rusiya Prezidenti Vladimir Putinlə görüşündə bildirib.

"Hər il ölkəmizə müxtəlif məqsədlərlə təqribən 9 milyon əcnəbi vətəndaş gəlir. Hazırda ölkəmizdə 6-6,5 milyon arasında miqrant var", — deyə o bildirib.

Nazir müavini əlavə edib ki, Rusiyada olan və işləməyən miqrant ailə üzvlərinin sayı 20% azalıb.

Kikotun sözlərinə görə, Rusiyada leqal şəkildə olan əmək miqrantlarının sayı da artır.

Yeri gəlmişkən, Kikotin Rusiya Prezidenti Vladimir Putinlə görüşü ötən gün baş tutub.

Bizim.Media