ABŞ hücumlarının 13-cü DALĞASI – İran şəhərləri belə vuruldu – VİDEO

ABŞ Mərkəzi Komandanlığı qüvvələri İrana qarşı ardıcıl 13-cü gecə hücumlarını başa vurub.

Bizim.Media xəbər verir ki, bu barədə komandanlıq açıqlayıb. 

Bildirilir ki, hücum zamanı İran hərbi komandanlıq mərkəzləri, dron saxlama qurğuları, rabitə şəbəkələri, sahil müşahidə məntəqələri və dəniz imkanları hədəf alınıb.

Qeyd olunur ki, İranın son hücumlarına baxmayaraq, beynəlxalq su yolu tranzit üçün açıq qalır və ticarət gəmiləri ABŞ hərbi dəstəyi ilə boğazda sərbəst şəkildə üzməyə davam edir.

Hazırda Yaxın Şərqdə 50 mindən çox ABŞ hərbçisinin fəaliyyət göstərdiyi vurğulanıb.

İranın İRİB agentliyinin məlumatına görə isə ABŞ-nin İrana endirdiyi zərbələr fonunda ölkənin Bəndər Abbas və Ümidiyyə şəhərlərində bir neçə partlayış baş verib.

Bizim.Media