Tramp: “İranı bombalamaqdan daha güclü nəticə razılaşmadır”

Bu gün ABŞ prezidenti Donald Tramp İranla bağlı yeni açıqlama verərək Tehranla razılaşma və hərbi əməliyyat arasında seçim mövcud olduğunu bildirib.

Bizim.Media xəbər verir ki, bu barədə ABŞ lideri hava limanında jurnalistlərə açıqlamasında deyib.
 

Trampın sözlərinə görə, əgər ABŞ istəyərsə, qısa müddətli bombardman əməliyyatı ilə İranın ciddi şəkildə zərər görməsi mümkündür. Ancaq o, bunun uzunmüddətli nəticələr doğura biləcəyini vurğulayıb.

“Bombalamaqla iki-üç həftə ərzində böyük dağıntı yaratmaq olar, ancaq bu, çoxlu insan itkisinə səbəb olar. Mən bunu istəmirəm,” - deyə o bildirib.

Tramp əlavə edib ki, onun fikrincə, ən güclü nəticə hərbi əməliyyat deyil, imzalanacaq razılaşmadır. O, habelə, qeyd edib ki, hazırkı vəziyyətdə müəyyən formada “blokada” siyasəti davam edir və bunun təsirinin güclü olduğu sübut edilib.

Bizim.Media