Avropa İttifaqı Konqo Demokratik Respublikasının şərq hissəsinə 100 ton ilkin tələbat malları çatdırıb.
Bizim.Media xəbər verir ki, bu barədə "20 Minutes" məlumat yayıb.
Xəbərdə qeyd olunur ki, tibbi ləvazimatlar, çadırlar və qoruyucu vasitələr humanitar yardım üçün qurulan hava körpüsü vasitəsilə epidemiyanın episentrinə təhvil verilib.
Aİ-nin böhranlara hazırlıq və idarəetmə üzrə komissarı Xadca Lahbib də KDR-ə uçub və həkimlərin, eləcə də humanitar təşkilatların yardıma ehtiyacı olan ölkənin bütün sakinlərinə maneəsiz çıxışının təmin edilməsinə çağırıb.
Qeyd edək ki, mayın 17-də Ümumdünya Səhiyyə Təşkilatı KDR və Uqandada Ebola epidemiyasının alovlanmasını səhiyyə sahəsində fövqəladə hal elan edib. Sürətlə yayılan "Bundibuqio" ştamına qarşı təsdiqlənmiş heç bir müalicə metodu və peyvənd mövcud deyil.
Bizim.Media
