Bakıda həkimlər xəstələrin gözü önündə bir-birini TƏHQİR ETDİLƏR: “Qızın yaşındadır, niyə otağa salmışdın?” - VİDEO 

Elmi-Tədqiqat Ağciyər Xəstəlikləri İnstitutunun həkimləri arasında xoşagəlməz hal yaşanıb. 

Bizim.Media xəbər verir ki, sosial şəbəkələrdə yayılan görüntülərdə institutun həkimləri - Ağca Abbasova və Fizuli Əliyevin mübahisə etdiyi görünür. 

Onlar xəstələrin yanında bir-birilərinin ünvanına xoşagəlməz ifadələr işlədiblər. Hadisəni lentə alan Fizuli Əliyev xəstələrin yanında həkimin onu təhqir etməsinə etirazını bildirib.  

Bu zaman Ağca Abbasova F.Əliyevin xəstəyə tibbi yardım göstərərkən onu öldürdüyünü bildirib:

“Reanimasiyadakı xəstəyə drenajı qoydun, enfizema oldu, öldü”.  

İttihamlar arasında Aytac adlı xanımın həkimin otağında olması da səsləndirilib.  

“Xalqın qızıyla oturdun burada günlərlə. Sən o qızın atası yaşındasan. Niyə o qızı otağına salıb saatlarla danışırdın?”, - deyə A.Abbasova bildirib. 
Sosial şəbəkələrdə yayılan videonu təqdim edirik: 

Bizim.Media