Dünən saat 12:40 radələrində Binəqədi rayonu Rəzulzadə qəsəbəsində gözəllik salonunda baş vermiş qətl hadisəsi ilə bağlı bəzi məqamlar üzə çıxıb.
Bizim.Media “qafqazinfo.az”a istinadən xəbər verir ki, 1986-cı il təvəllüdlü Aygün Yusifovanın kəsici-deşici alətlə qətlə yetirən həyat yoldaşı 1980-ci il təvəllüdlü İsrafil Yusifov həm də onun xalası oğlu olub.
İlkin araşdırmalar zamanı müəyyən edilib ki, 3 azyaşlı övladı olan ailədə bir müddət imiş problemlər yaşanırmış.
MÖVZU İLƏ BAĞLI:
Bakıda gözəllik salonunda kişi arvadını QƏTLƏ YETİRİB
Ailədaxili münasibətlərin kəskinləşməsi səbəbindən bir neçə gün əvvəl Aygün Yusifova məhkəməyə boşanmaqla bağlı ərizə təqdim edibmiş. Məhkəmə ərizəni qəbul etsə də, iclas hələ keçirilməyibmiş.
Həyat yoldaşının addımından sonra İ.Yusifovun gözəllik salonuna gələrək ondan boşanmaq istəyən arvadını qətlə yetirməsi ehtimal edilir. Hadisədən sonra İ.Yusifov könüllü olaraq istintaqa təslim olub.
Faktla bağlı cinayət işi başlanıb. İstintaq davam etdirilir.
Bizim.Media
