Moskvada Putinlə ABŞ nümayəndə heyəti arasında görüş KEÇİRİLİR - VİDEO

Moskvada Rusiya prezidenti Vladimir Putinlə ABŞ nümayəndələri arasında Rusiya-Ukrayna müharibəsinin sülh yolu ilə tənzimlənməsinə həsr olunmuş görüş başlayıb.

Bizim.Media xəbər verir ki, danışıqlarda ABŞ-ı xüsusi nümayəndə Stiven Uitkoff və Donald Trampın kürəkəni Cared Kuşner təmsil edir.

Rusiya prezidentinin mətbuat katibi Dmitri Peskov daha əvvəl bildirmişdi ki, görüşün vaxt məhdudiyyəti olmayacaq və “nə qədər lazım olsa”, davam edəcək.

Görüş zamanı Uitkoff və Kuşner Kiyevin mövqeyi nəzərə alınmaqla yenilənmiş sülh planının parametrlərini Putinə təqdim edəcəklər. ABŞ və Ukrayna nümayəndələri planın detallarını noyabrın 30-da, bazar günü Floridada müzakirə etmişdilər.

Axios-un məlumatına görə, Moskvadakı danışıqlardan sonra Uitkoff və Kuşner “Avropa ölkələrindən birinə” uçaraq Ukrayna prezidenti Vladimir Zelenski ilə görüşəcəklər.


Bizim.Media