Zaxarova: “İrəvan və Ankaranın xüsusi nümayəndələr təyin etməsi ağlabatan addımdır”

İrəvanla Ankara arasında münasibətlərin normallaşması regionda ümumi vəziyyətin yaxşılaşmasına, etimad və mehriban qonşuluq mühitinin formalaşmasına töhfə verəcək.

Bizim.Media xəbər verir ki, bu fikirləri Rusiya Xarici İşlər Nazirliyinin rəsmi nümayəndəsi Mariya Zaxarova keçirdiyi brifinqdə səsləndirib.

“Rusiya dəfələrlə vasitəçilik səylərini göstərməyə, bu nizamlanmada rol oynamağa hazır olduğunu bəyan edib. Bu, vasitəçiliyin həyata keçirilməsində öz təsdiqini tapıb”, deyə o, qeyd edib.

Onun sözlərinə görə, İrəvan və Ankaranın xüsusi nümayəndələr təyin etməsi məntiqli və ağlabatan addımdır:

“İrəvan və Ankara münasibətləri normallaşdırmaq üçün ilk görüş yeri kimi Moskvanın adını çəkiblər”.
Xatırladaq ki, ABŞ-dakı keçmiş səfir Serdar Kılıç Türkiyənin, Ermənistan parlamentinin sədr müavini Ruben Rubinyan Ermənistanın  xüsusi nümayəndəsi olub.

Bizim.Media