Ödəniş terminallarında komissiya haqqının tutulması ilə bağlı Mərkəzi Bankdan AÇIQLAMA

Ötən günlərdə, ödəniş terminallarından istifadə edən müştərilərdən əlavə komissiya haqqının tutulması barədə məlumat vermişdik. 

Məsələ ilə bağlı “MilliÖN”dən Bizim.Media-ya bildirilmişdi ki, sözügedən qərar banklar tərəfindən verilib. Buna görə də, sentyabrın əvvəlindən ödəniş terminallarında bank xidmətlərindən istifadə edənlərdən 1 faiz əlavə komissiya haqqı tutulur.
 

MÖVZU İLƏ BAĞLI:

Ödəniş terminallarında niyə komissiya haqqı TUTULUR? – RƏSMİ AÇIQLAMA

Bəs bu qayda hansı banklara şamil edilib?

Məsələ ilə bağlı Mərkəzi Bankdan Bizim.Media-nın sorğusuna cavab verilib.

Cavabda bildirilib:

 “Azərbaycan Respublikasının “Banklar haqqında” Qanununun 36.6 maddəsinə əsasən hər bir bank müştərilərlə bağladığı müqavilədə xidmət şərtlərini, o cümlədən faiz dərəcələrini, komisyon haqlarını və göstərilən bank xidmətləri üçün digər ödənişləri, habelə bank tərəfindən verilmiş kreditlərin ödənişi şərtlərini və qaydalarını müəyyən etməkdə sərbəstdir”.

Nuray, Bizim.Media