Bəzi deputatlığa namizədlər seçki prosesi başlamamışdan
əvvəl onun legitim nəticələrindən danışırlar. Sual oluna bilər: Bu nə qədər məntiqə
uyğundur?
Moderator.az-ın suallarını cavablandıran iqtisadçı ekspert Elçin
Qurbanovun fikirləri xeyli maraqlı olub. Redaksiyamıza göndərdiyi cavab məktubunda
bu mövqeyi anlaya bilmədiyini ifadə edən ekspert hər kəsin öz işiylə məşğul
olmasının vacibliyindən danışıb.
İncə eyhamlarla dolu olan bu yazını oxucuların
diqqətinə çatdırırıq:
Mətbuatda
tez tez hələ keçirilməmiş seçkilərin legitim nəticələri barədə məlumatlara rast gəlirəm.
Əlbəttə, mən də inanmaq
istərdim ki, bu seçkilər
daha demokratik və ədalətli keçiriləcək. Bu məsələdə
dövlət özü maraqlı
olmalıdır. Faydasız və boş
yer tutan, bu günə kimi bir dəfə
də olsun, qanun layihəsi hazırlayıb təşəbbüs
göstərməyən deputatların oranı tərk
etmələri üçün zaman çoxdan
yetişib. Onların üzündən
insanların seçkilərə inamı da
məhv olmaq üzrədir. Bu
inamı yalnız ədalətli seçki bərpa edə
bilər.
Bilirsinizmi, insanda gərək istefa mədəniyyəti də
olsun. Gərək özünü qınamağı
bacarasan. Qanun
yaradıcılığı restoran, kafe,
otel və digər obyekt və sahibkarlıq subyektləri yaratmaq üçün
nərəzdə tutulmuş vəzifə deyil.
Dolayı yolla sahibkarlıq fəaliyyəti
və yaxud qeyri-sahibkarlıq fəaliyyəti ilə ( daşınmaz əmlakın icarəyə
verilməsi ) məşğul olan deputatlar həm nəzəri, həm
də praktiki olaraq deputat kimi
keyfiyyətli fəaliyyət göstərə bilməzlər.
Sərvət toplamaq ehtirası, yaradıcılıq xüsusiyyətləri ilə tam zidiyyətlidir. Belə deputatlar əslində geniş şəkildə
vergidən yayınmaya şərait, vergi
inzibatçılığında isə diskriminasiya əlamətləri
yaradırlar. Konstitusiya
maddələrini kobud şəkildə pozmaqla
ölkə başçısının da siyasi nüfuzuna ciddi zərbə vururlar. Bu da sonda beynəlxalq qınağa səbəb
olur.
Ona görə də hesab edirəm ki, ölkə başçısı
belə özbaşnalığa özünün çox
ciddi münasibətini bildirəcək
və ictimaiyyət də
öz növbəsində bu işdə ona dəstək olacaq.
Məhz, o zaman legitimlikdən
danışmaq mümkündür.
