“Milli
Məclisə seçkilərə namizədliyə dair qanunvericiliyin tələbləri dəyişdirilməlidir. Parlamenti payçı təsərrüfatı
kimi qavrayan deputatlar dövlətimizi beynəlxalq təşkilatlarda nüfuzdan salırlar”x9d.
Bu sözləri 34 saylı Xətai II seçki dairəsindən deputatlığa namizəd Elçin Qurbanov bildirib. Namizəd Moderator.az-a açıqlamasını belə davam etdirib:
“Komissiyaların tərkibində yerdəyişmə ilə özlərini gizlətməyə çalışan millət vəkilləri beynəlxalq
təşkilatların diqqətindən kənarda
qala bilmirlər. Azərbaycanda bu
insanlardan başqa heç kəs
yoxdurmu ki, iyirmi ildir, eyni nümayəndələr ayrı-ayrı
komissiyaların tərkibində fəaliyyət göstərirlər? Əlbəttə, belə rüsvayçılıq ölkənin beynəlxalq siyasi imicinə mənfi təsir
göstərir. Məni xüsusilə daha
çox maraqlandıran məsələlərdən
biri də odur ki, inkişaf etmiş
Avropa ölkələri ilə münasibətlərimizin
sərinləşdiyi bir vaxtda keçmiş deputatalar nə üçün bu qədər israrla öz kürsülərini
saxlamaq istəyirlər? Belə görünür, onlar üçün şəxsi mənafelər dövlət maraqlarından çox-çox öndədir.
İstefa mədəniyyəti isə, ümumiyyətlə, azərbaycançılıq
şüuruna yaddır. Hesab edirəm ki, belə millət
vəkilləri heç də başqa məmurlardan az xəyanət etmirlər”x9d.
Qeyd edək ki, Elçin Qurbanovun namizədliyini
irəli sürdüyü dairənin ərazisindən redaksiyamıza müxtəlif şikayətlər də daxil
olmuşdu. Şikayətçilər bildirmişdilər ki, Məhəmməd Hadi 58 ünvanlı, 10 bloklu
binada namizədlərdən birinin seçicilərə 10 manat pul paylayıb, səsvermə zamanı
ona səs verənləri əlavə eyni miqdarda pulla mükafat gözlədiyini vəd edib. Bu xəbərin
nə qədər əsaslı olub-olmadığını soruşduğumuz müsahibimizin sözlərinə görə, eyni
məlumatlar ona da çatıb: “Hazırda fakt dəqiqləşdirilir və təsdiq olunarsa MSK-ya
şikayət edəcəyəm”x9d-Elçin Qurbanov belə deyib.
O, həmçinin bundan sonra da qanun pozuntusu
qeydə alınarsa, öz hüququnun bərpası uğrunda sona qədər mübarizə aparacağını bildirib.
