30 yaşlı bloqer estetik əməliyyat zamanı vəfat etdi

Meksikalı bloqer və model Adriana Qarsiya estetik əməliyyat zamanı həyatını itirib.

Bizim.Media xəbər verir ki, bu barədə xarici KİV məlumat yayıb.

Hadisə çərşənbə axşamı səhər Meksikanın Kulyakan şəhərində baş verib. İlkin məlumata görə, 30 yaşlı qadın plastik əməliyyat keçirərkən ağır fəsadlar yaranıb və bu, onun ölümünə səbəb olub. Hazırda ölümün rəsmi səbəbi açıqlanmayıb. Meksikanın Səhiyyə Nazirliyi və hüquq-mühafizə orqanları faktla bağlı araşdırma aparır.

Bildirilib ki, Adriana Qarsiyanın 6 yaşlı qızı anasız qalıb.

Adriana Qarsiya TikTok və Instagram platformalarında gözəllik mövzusunda paylaşımları ilə tanınırdı. O, həmçinin məhdud sayda istehsal olunan idman ayaqqabıları, kepkalar və lüks saatların satışı ilə məşğul olan Drop Shop brendi ilə əməkdaşlıq edirdi.

Bizim.Media