Hörmüz boğazında tanker partladı - VİDEO

Hörmüz boğazında üç tankerdən biri mina partlayışı nəticəsində zədələnərək yanmağa başlayıb.

Bizim.Media xəbər verir ki, bu barədə İranın İslam İnqilabı Keşikçiləri Korpusu (SEPAH) məlumat yayıb.

Bildirilib ki, tankerlər boğazın minalandığı iddia edilən cənub marşrutu ilə hərəkət etməyə cəhd göstəriblər. Nəticədə onlardan biri partlayaraq alovlanıb.

Press TV telekanalının SEPAH-a istinadən yaydığı məlumata görə, partlayış və yanğından sonra digər iki tanker dərhal istiqamətini dəyişərək ərazidən uzaqlaşıb.

SEPAH bəyan edib ki, Hörmüz boğazına nəzarəti tam şəkildə əlində saxlayır və ABŞ regionda hərbi əməliyyatlarını davam etdirdiyi müddətdə boğaz bağlı qalacaq.

SEPAH, həmçinin xəbərdarlıq edib ki, İran tərəfi ilə razılaşdırılmadan Hörmüz boğazından keçməyə cəhd göstərən istənilən gəmini eyni aqibət gözləyir.



Bizim.Media