Rusiyada bu qadınlarla evlənmək qadağandır – Qanun

Rusiya Dövlət Duması miqrasiya qanunvericiliyinin sərtləşdirilməsi çərçivəsində yaşlı qadınlarla saxta nikahlar vasitəsilə Rusiya vətəndaşlığının alınması imkanlarını bağlayan yeni qanun qəbul edib. 

Bizim.Media xəbər verir ki, bu barədə Dövlət Dumasının sədri Vyaçeslav Volodin məlumat verib. 

Spiker qanunvericilikdəki bu boşluqların tamamilə aradan qaldırıldığını bildirib.

"Nizam-intizam yaratmaq lazım idi... Əvvəllər saxta nikahlar üçün mövcud olan çoxsaylı əsaslardan imtina etmək vacib idi. Bu, gəlmələrin 80 və daha yuxarı yaşda olan qadınlarla nikah rəsmiləşdirməsi halları idi. İndi bütün bu boşluqlar kökündən ləğv olunub", – deyə Volodin vurğulayıb.

Düzəlişlər miqrasiya nəzarətinin gücləndirilməsinə yönəlmiş qanun layihəsi çərçivəsində ikinci və üçüncü oxunuşda qəbul edilib.

Bizim.Media