İrandan ABŞ-yə son xəbərdarlıq: “Münaqişə regiondan kənara çıxacaq”

Əgər ABŞ İranın mülki obyektlərinə hücum edərsə, münaqişə regionun hüdudlarından kənara çıxacaq və Yaxın Şərqin bütün energetika infrastrukturu zərbələrə məruz qalacaq.

Bizim.Media “Tasnim” agentliyinə istinadla xəbər verir ki, bu barədə İslam Respublikası Silahlı Qüvvələrinin “Xatəm əl-Ənbiyə” mərkəzi qərargahı bəyan edib.

“Əgər ABŞ-nin təhdidləri reallaşarsa, İran Silahlı Qüvvələri regiondan bir damla da olsun neftin ixrac edilməsinə icazə verməyəcək, bölgənin neft, qaz, elektroenergetika və iqtisadi infrastrukturu isə zərbələrin hədəfinə çevriləcək”, — deyə bəyanatda bildirilir.
 

Sənəddə qeyd olunur ki, Birləşmiş Ştatlar tərəfindən səsləndirilən və təkrarlanan təhdidlər müharibənin regionda və hətta onun hüdudlarından kənarda genişlənməsindən başqa heç bir nəticəyə gətirib çıxarmayacaq.

Xatırladaq ki, iyulun 22-də ABŞ Prezidenti Donald Tramp xəbərdarlıq edib ki, Hörmüz boğazında olan gəmilərə edilən hər bir hücuma görə Amerika hərbçiləri İranda bir körpünü və ya elektrik stansiyasını məhv edəcəklər.

Bizim.Media