Maduronun işi üzrə məhkəmə iclasının TARİXİ məlum oldu

Venesuelanın keçmiş prezidenti Nikolas Maduro və həyat yoldaşı gələn ilin iyun ayında narkotik ticarəti ittihamı ilə məhkəmə qarşısına çıxacaqlar.

Bizim.Media xəbər verir ki,bu barədə "Associated Press" agentliyi məlumat yayıb.

Hakim hər iki tərəfin vəkillərinin xahişi ilə məhkəmə baxışının tarixini iyunun 1-i 2027-ci ilə təyin edib.

Müdafiə tərəfinin vəkilləri sentyabrın əvvəlində ittiham aktına etiraz etmək üçün vəsatətlər verməyə başlayacaqlar, Maduro və həyat yoldaşı isə bu vəsatətlər üzrə şifahi dinləmələr üçün noyabrın 17-də məhkəməyə gələcəklər.
 

63 yaşlı Maduro və onun 69 yaşlı həyat yoldaşı Silia Flores, ABŞ qoşunlarının yanvarın əvvəlində Karakasdakı evlərində keçirdiyi gecə reydi zamanı onları ələ keçirərək Nyu-Yorka gətirməsindən bəri Bruklin həbsxanasında saxlanılırlar.

ABŞ-yə kokain idxal etdikləri sübuta yetirilsə, onları ömürlük həbs cəzası gözləyir.

Bizim.Media