Tramp daha bir ölkəyə zərbə endirmək İSTƏYİR

Ağ Evin rəhbəri Donald Trampın administrasiyası Malidə “İslam və Müsəlmanlara Dəstək Qrupu”na (“Əl-Qaidə” terror təşkilatı ilə əlaqəlidir) qarşı hərbi əməliyyat keçirməyi nəzərdən keçirir.

Bizim.Media xəbər verir ki, bu barədə fəaliyyətdə olan və keçmiş amerikalı məmurlara istinadən “The Washington Post” qəzeti məlumat yayıb.
 

Nəşr qeyd edir ki, Birləşmiş Ştatlar rəhbərliyinin daxilində hərbi əməliyyatın zəruriliyi ilə bağlı fikir ayrılıqları hələ də qalmaqdadır. Ağ Evin Milli Təhlükəsizlik Şurasının antiterrorla mübarizə üzrə baş direktoru Sebastyan Qorka güc tətbiq edilməsinin aktiv tərəfdarlarından biri kimi çıxış edir.

Bununla belə, Pentaqon bu məlumatı heç bir şəkildə şərh etmir, Ağ Ev isə ABŞ prezidentinin əməliyyata başlamaq barədə əmr vermək niyyətində olub-olmadığını açıqlamır.

Administrasiyadan bildirilib ki, Vaşinqton Afrika ölkələrini “terrorçulara qarşı hərbi səylərini dəstəkləmək üçün ABŞ avadanlıqları və xidmətlərini satın almağa” çağırıb.

Bizim.Media