Azərbaycanlı hacıların daha bir qrupu bu saatlarda Səudiyyə Ərəbistanından Bakıya yola düşüb.
Bunu Publika.az-a açıqlamasında Qafaqaz Müsəlmanları İdarəsinin mətbuat xidməti rəhbəri Rəhimə Dadaşova bildirib.
Onun sözlərinə görə hacıların səhhətində problem yoxdur. O qeyd edib ki, gecikmələr olduğu üçün hacılarımızın üçüncü qrupunun Bakıya nə vaxt yola düşəcəyi dəqiq məlum deyil.
Qeyd edək ki, bu il Azərbaycandan Həcc ziyarətinə 2400 zəvvar yollanıb. Onlardan üçü dünyasını dəyişib. Hacılarımızın ilk qrupu dünən gecə saatlarında Bakıya dönüblər.
