Lənkəranda yol-nəqliyyat hadisəsi baş verib.
Bizim.Media xəbər verir ki, hadisə rayonun Kərgəlan kəndi ərazisində qeydə alınıb.
Hərəkətdə olan “Mitsubishi” markalı avtomobil qarşı istiqamətdə hərəkət edən “Volkswagen Passat”la toqquşub.
Qəza nəticəsində Lənkəranın Ləj kənd sakini, 1999-cu il təvəllüdlü Tural Əzimzadə və Masallının Allahyarlı kənd sakini, 2006-cı il təvəllüdlü Asim Allahverdiyev müxtəlif dərəcəli bədən xəsarətləri alıblar.
Yaralılar Lənkəran Rayon Mərkəzi Xəstəxanasının təcili yardım şöbəsinə çatdırılaraq hospitalizasiya olunublar.
Faktla bağlı araşdırma aparılır.
Sabutay, Bizim.Media, Cənub bürosu
