"Sağlamlığımla bağlı problemim yoxdur. Ayağımda hər şey demək olar ki, düzəlib. Amma qolumdakı problem hələ də qalır".
Moderator.az xəbər verir ki, bu sözləri lent.az-a ötən ay terrora məruz qalan Milli Məclisin deputatı Fazil Mustafa deyib.
Deputat "Yenidən əməliyyat gözlənilirmi?" sualına belə cavab verib:
"Qolumun yenidən əməliyyat olunması, 2 həftədən sonra bilinəcək. Hələ ki, problem qalır. Amma ayağım tam sağalıb. Qaydasındadır".
Millət vəkili işə nə vaxt çıxacağını açıqlayıb:
"İnşallah, mayın 20-dən sonra işdə olacam. Qolumdakı problem iş prosesimə mane olmayacaq".
