“Avro-2020”də gözlənilməz hadisə - FOTO-VİDEO

Avro-2020-nin F qrupunda ötən gecə keçirilən Fransa - Almaniya oyunundan (1:0) əvvəl gözlənilməz hadisə yaşanıb.

Bizim.Media xəbər verir ki, Münhendə keçirilən görüşün start fitindən bir qədər əvvəl azarkeşlərdən biri paraşütlə meydana enib. Nəticədə fanatlardan bir neçəsi xəsarət alıb və onlara tibbi yardım edilib.

Məlum olub ki, bu aksiya əvvəlcədən planlaşdırılıb. Paraşütün üzərində “Kick out oil. Greenpeace” sözləri yazılıb (Neftdən canınızı qurtarın. Qrinpis).

Bu mesaj isə “Avro-2020”nin sporsorlarından olan “Volksvagen” şirkətinə yönəlib və bununla ətraf mühitin çirklənməsinə etiraz bildirilib . Paraşütlə stadiona enən şəxs təhlükəsizlik xidmətinin əməkdaşları tərəfindən saxlanılıb.

Əvvəlcə bu uçuş səmada gözəl görsənib. Heç kim nəyin baş verdiyini anlamayıb. Paraşütçü meydana enərkən diktor komandaların heyətini elan edirmiş.

Qəflətən o, hörümçək-kameraya toxunub, sonra koordinasiyanı itirib. Paraşütün bəzi hissələri azarkeşlərin üzərinə düşüb. Futboçulardan xəsarət alan olmayıb.

UEFA-dan bildirilib ki, hadisə ilə ila əlaqədar hüquq-mühafizə orqanlarına müraciət ediləcək.

Bizim.Media